You are here:
< Back

வாழப்படிப்பு

சாஸ்திரததிலுள்ள கன்னிமக்கள் நம்முடைய
சான்றோர்கள் நன்றாய் தழைத்து வாழ

பத்திரத்தாள் பெற்ற மக்கள் நம்முடைய
பைந்தொடிமார் கன்னிமக்கள் கோத்திரத்தோடே நன்றாய்தழைத்து வாழ

விழிமடவார் படைத்தலைவர் நம்முடைய
வெற்றிச் சான்றோர் நன்றாய் தழைத்து வாழ

கடலதிலே தவசிருந்தேன் நம்முடைய
கண்ணு சான்றோர் நன்றாய் தழைத்து வாழ

வில்லுக் கொண்டே எய்து விட்டேன் நம்முடைய
விசயன் சான்றோர் நன்றாய்த் தழைத்து வாழ

பார்த்துவ்விட்டேன் இரண்டு கண்ணும் கொண்டு நம்முடைய 
பத்தினி மக்கள் நன்றாய்த் தழைத்து வாழ

மலைக் கன்னிமார் தாங்காமல் பெற்ற நம்முடைய
மக்கள் வலியசீமை கட்டி அரசாள வாழ

தருமருட குலத்திலுள்ள நம்முடைய தெய்வச் சான்றோர்கள்
நன்றாய் தழைத்து வாழ

கோத்திரத்துச் சான்றோர்கள் நம்முடைய
குடும்பத்தார்கள் நன்றாய்த் தழைத்து வாழ

கோட்டைத் தளம் மதில் இடித்து வாழ நம்முடைய
மக்கள் கோடிச் சீமை கட்டி அரசாள வாழ

ஆல்போலே தழைத்து வாழ நம்முடைய
ஐவர் மக்கள் சீமை கட்டி அரசாள வாழ

பயலுடைய தரம் அறுத்து பண்டாரம் சீமையாள மக்கள் 
நன்றாய்த் தழைத்து வாழ.

அய்யா உண்டு
(வாழப்படிப்பு முற்றும்)

Last Updated On December 31, 2017